dekh liyaa kyaa jaane shaam ki suuni aankhon mein — Ram Awtar Gupta Muztar

navaazaa hai mujhe patthar se jis ne
use main phuul de kar dekhtaa huun

— Ram Awtar Gupta Muztar

shaam-e-avadh ne zulf mein gundhe nahin hain phuul
tere baghair subh-e-banaras udaas hai

— Ram Awtar Gupta Muztar

teraa honaa na maan kar goyaa
tujh ko taslim kar rahaa huun main

— Ram Awtar Gupta Muztar

dil kaa sukun rizq ke hangaame khaa gae
sukh aadmi kaa chand nivaalon ne Das liyaa

— Ram Awtar Gupta Muztar

duniyaa tere naam se mujh ko pahchaane
ishq mein aisaa rusvaa kar de yaa-allaah

— Ram Awtar Gupta Muztar

rah-e-qaraar ajab raah-e-be-qaraari hai
ruke hue hain musaafir safar bhi jaari hai

— Ram Awtar Gupta Muztar

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir