taana dete ho mujhe jiine kaa — Raza Hamdani

bikhar gayaa huun fazaaon mein bu-e-gul ki tarah
mire vajud mein vusat miri samaa na saki

— Raza Hamdani

bhanvar se laDo tund lahron se uljho
kahaan tak chaloge kinaare kinaare

— Raza Hamdani

ik baar jo TuuTe to kabhi juD nahin saktaa
aaina nahin dil magar aaina-numaa hai

— Raza Hamdani

paas-e-aadaab-e-vafaa thaa ki shikasta-paai
be-khudi mein bhi na ham had se guzarne paae

— Raza Hamdani

goyaa the to koi bhi nahin thaa
ab chup hain to shahr dekhtaa hai

— Raza Hamdani

qurbat tiri kis ko raas aai
aaine mein aks kaanptaa hai

— Raza Hamdani

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri