hijaabaana aa kar vo chalte bane — Razi Abuzar

kisi se mil ke kisi ko buraa saa lagtaa hai
baDaa gunaah hai garche zaraa saa lagtaa hai

— Razi Abuzar

raabte TuuTe hain rishte rah gae hain naam ke
talkhiyaan haael dilon ke darmiyaan hoti gaiin

— Razi Abuzar

shafaq kaa rang sukun hai sahar ke chehre par
ki gesu-e-shab-e-gham be-qaraar hai ab tak

— Razi Abuzar

jalaa hai parda-e-shab mein hujum-e-parvaana
barahna sham' magar be-qaraar hai ab tak

— Razi Abuzar

jab zabaan rakkhi hai main ne halqa-e-zanjir mein
tab kahin aai hai shiddat she'r ki taasir mein

— Razi Abuzar

sar-e-khaamushi ye sajaavaTein usi rang-o-bu ki misaal hain
jo mahak ho qabr ke phuul mein jo chamak ho sham'-e-mazaar mein

— Razi Abuzar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey