kali chaman mein khili to mujhe khayaal aayaa — Riyaz Khairabadi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

— Riyaz Khairabadi

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

— Riyaz Khairabadi

baDe paak tinat baDe saaf baatin
'riyaaz' aap ko kuchh hamin jaante hain

— Riyaz Khairabadi

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

vo joban bahut sar uThaae hue hain
bahut tang band-e-qabaa hai kisi kaa

— Riyaz Khairabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

ham ko is ki kyaa khabar gulshan kaa gulshan jal gayaa
ham to apnaa sirf apnaa aashiyaan dekhaa kiye

— Hasan Najmi Sikandarpuri