ḳhudā ke haath hai biknā na biknā mai kā ai saaqī — Riyaz Khairabadi

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

itnī pī hai ki ba.ad-e-tauba bhī
be-piye be-ḳhudī sī rahtī hai

ye kam-baḳht ik jahān-e-ārzū hai
na ho koī hamārā dil ho ham huuñ

bach jaa.e javānī meñ jo duniyā kī havā se
hotā hai farishta koī insāñ nahīñ hotā

haa.e zanjīr-shikan vo kashish-e-fasl-e-bahār
aur zindāñ se nikalnā tire dīvāne kā

zarā jo ham ne unheñ aaj mehrbāñ dekhā
na ham se pūchhiye kyā rañg-e-āsmāñ dekhā

tirī abrū hai mehrāb-e-mohabbat
namāz-e-ishq mere par huī farz

mar ga.e pyaas ke maare to uThā abr-e-karam
bujh ga.ī bazm to ab sham.a jalātā kyā hai

havā shāḳhoñ meñ rukne aur ulajhne ko hai is lamhe
guzarte bādaloñ meñ chāñd haa.il hone vaalā hai

dil mirā zulf setī chhūT phañsā abrū meñ
kufr kuuñ tark kiyā mā.il-e-mehrāb huā

'ġhālib' chhuTī sharāb par ab bhī kabhī kabhī
piitā huuñ roz-e-abr o shab-e-māhtāb meñ

chāñd ne taan lī hai chādar-e-abr
ab vo kapḌe badal rahī hogī