meri maut ai saaqi irtiqaa hai hasti kaa — Salam Machhli Shahri

ai mire ghar ki fazaaon se gurezaan mahtaab
apne ghar ke dar-o-divaar ko kaise chhoDun

— Salam Machhli Shahri

ab maa-hasal hayaat kaa bas ye hai ai 'salaam'
cigarette jalaai sher kahe shaadmaan hue

— Salam Machhli Shahri

gham musalsal ho to ahbaab bichhaD jaate hain
ab na koi dil-e-tanhaa ke qarin aaegaa

— Salam Machhli Shahri

kabhi kabhi arz-e-gham ki khaatir ham ik bahaanaa bhi chaahte hain
jab aansuon se bhari hon aankhein to muskuraanaa bhi chaahte hain

— Salam Machhli Shahri

raat dil ko thaa sahar kaa intizaar
ab ye gham hai kyuun saveraa ho gayaa

— Salam Machhli Shahri

yuun hi aankhon mein aa gae aansu
jaaiye aap koi baat nahin

— Salam Machhli Shahri

allaah re zauq-e-dasht-navardi ki baad-e-marg
hilte hain khud-ba-khud mire andar kafan ke paanv

— Mirza Ghalib

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

— Rashid Shahjahanpuri

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

udaas aankhon se aansu nahin nikalte hain
ye motiyon ki tarah sipiyon mein palte hain

— Bashir Badr

kisi ke ek ishaare mein kis ko kyaa na milaa
bashar ko ziist mili maut ko bahaana milaa

— Fani Badayuni

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

— Siraj Aurangabadi