zindagi ham se to is darja taghaaful na barat — Salman Akhtar

jhaankte raat ke garebaan se
ham ne sau aaftaab dekhe hain

— Salman Akhtar

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

— Salman Akhtar

ham jo pahle kahin mile hote
aur hi apne silsile hote

— Salman Akhtar

zindagi is qadar kaThin kyuun hai
aadmi ki bhalaa khataa kyaa hai

— Salman Akhtar

kuchh to apne liye bhi rakhnaa hai
zakhm auron ko kyuun dikhaaein sab

— Salman Akhtar

kaise ho kyaa hai haal mat puchho
mujh se mushkil savaal mat puchho

— Salman Akhtar

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri