jab se is dasht mein aayaa huun isi soch mein huun — Salman Khayal

ye dil-fareb charaaghaan ye qahqahon ke hujum
main Dar rahaa huun ab is shahar se guzarte hue

— Salman Khayal

guzaari umr ham ne aabiyaari mein kisi ki
vo apnaa ek kaar-e-be-samar thaa aur ham the

— Salman Khayal

zaraa sambhlo tumhaari vahshaton ke zikr 'salmaan'
jahaan hone nahin the ab vahaan bhi ho rahe hain

— Salman Khayal

ye aasmaan hai behtar ki aashiyaan meraa
parind soch rahaa hai uDaan bharte hue

— Salman Khayal

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid