qadam qadam pe mire khvaab jal rahe hain yahaan — Samar Kabir

jo mire sochne ki baatein hain
dusre sochte hain mere liye

— Samar Kabir

miyaan majnun to kab ke mar chuke hain
magar haathon mein patthar hai abhi tak

— Samar Kabir

koi jaldi nahin hai soch lenaa
abhi inkaar ki gunjaaishein hain

— Samar Kabir

in gharib logon ki ye 'ajib mushkil hai
sar jhukaa ke kahte hain sar nahin jhukaaeinge

— Samar Kabir

raat basti jali gharibon ki
subh akhbaar ho gae raushan

— Samar Kabir

meri mazduri ke paise mujhe de do maalik
aaj beTi miri sasuraal se aai hui hai

— Samar Kabir

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz