Samar Kabir

raat basti jali gharibon ki
subh akhbaar ho gae raushan

qadam qadam pe mire khvaab jal rahe hain yahaan
main is zamin ko jannat banaane aayaa thaa

meri mazduri ke paise mujhe de do maalik
aaj beTi miri sasuraal se aai hui hai

vo meri tegh se martaa to kyaa maza aataa
usi ke tiir se us kaa shikaar karnaa thaa

qusur in shaa'iron kaa bhi nahin hai
vahi deinge jo ye baazaar bole

jo mire sochne ki baatein hain
dusre sochte hain mere liye

miyaan majnun to kab ke mar chuke hain
magar haathon mein patthar hai abhi tak

aur thoDaa saa zahr ghulne do
aadmi aadmi ko tarsegaa

koi jaldi nahin hai soch lenaa
abhi inkaar ki gunjaaishein hain

in gharib logon ki ye 'ajib mushkil hai
sar jhukaa ke kahte hain sar nahin jhukaaeinge