nami jagah banaa rahi hai aankh mein — Sarfraz Zahid

khiDki se jhaank kar kisi ne
manzar ko vaaqia banaayaa

— Sarfraz Zahid

kunein ki samt bulaa le na koi khvaab mujhe
main apne baap kaa sab se hasin beTaa huun

— Sarfraz Zahid

sab ko qudrat thi khush-kalaami par
khaamushi mein zabaan-daraaz thaa main

— Sarfraz Zahid

dukh se do chaar saal chhoTaa huun
hijr se ek din baDaa huun

— Sarfraz Zahid

mohabbat aam saa ik vaaqia thaa
hamaare saath pesh aane se pahle

— Sarfraz Zahid

zinda ikaTThe ho rahe hain
lagtaa hai koi mar gayaa hai

— Sarfraz Zahid

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

aasmaan jhaank rahaa hai 'khaalid'
chaand kamre mein mire utraa hai

— Khalid Sharif