lahu se main ne likhaa thaa jo kuchh divaar-e-zindaan par — Seemab Akbarabadi

dekhte rahte hain chhup-chhup ke muraqqaa teraa
kabhi aati hai havaa bhi to chhupaa lete hain

— Seemab Akbarabadi

tujhe daanista mahfil mein jo dekhaa ho to mujrim huun
nazar aakhir nazar hai be-iraada uTh gai hogi

— Seemab Akbarabadi

manzil mili muraad mili muddaaa milaa
sab kuchh mujhe milaa jo tiraa naqsh-e-paa milaa

— Seemab Akbarabadi

khudaa aur naakhudaa mil kar Dubo dein ye to mumkin hai
meri vajh-e-tabaahi sirf tufaan ho nahin saktaa

— Seemab Akbarabadi

dekhte hi dekhte duniyaa se main uTh jaaungaa
dekhti ki dekhti rah jaaegi duniyaa mujhe

— Seemab Akbarabadi

chamak jugnu ki barq-e-be-amaan maalum hoti hai
qafas mein rah ke qadr-e-aashiyaan maalum hoti hai

— Seemab Akbarabadi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

ham siin maston ko bas hai teri nigaah
subh uTh kar khumaar ki khaatir

— Shaikh Zahuruddin Hatim