chaman mein jaa ke ham ne ghaur se auraaq-e-gul dekhe — Shad Azimabadi

jab kisi ne haal puchaa ro diyaa
chashm-e-tar tu ne to mujh ko kho diyaa

— Shad Azimabadi

iid mein iid hui aish kaa saamaan dekhaa
dekh kar chaand jo munh aap kaa ai jaan dekhaa

— Shad Azimabadi

naazuk thaa bahut kuchh dil meraa ai 'shaad' tahammul ho na sakaa
ik Thes lagi thi yuun hi si kiyaa jald ye shisha TuuT gayaa

— Shad Azimabadi

talab karein bhi to kyaa shai talab karein ai 'shaad'
hamein to aap nahin apnaa muddaaa maalum

— Shad Azimabadi

dekhaa kiye vo mast nigaahon se baar baar
jab tak sharaab aai kai daur ho gae

— Shad Azimabadi

izhaar-e-muddaaa kaa iraada thaa aaj kuchh
tevar tumhaare dekh ke khaamosh ho gayaa

— Shad Azimabadi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

gul kiyaa jis ne vo thaa aur magar
shama ne shikva havaaon se kiyaa

— Tilok Chand Kausar