sair ki ham ne jo kal mahfil-e-khaamoshaan ki — Shah Naseer

juun mauj haath maariye kyaa bahr-e-ishq mein
saahil 'nasir' duur hai aur dam nahin rahaa

— Shah Naseer

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

— Shah Naseer

aataa hai to aa vaada-faraamosh vagarna
har roz kaa ye lait-o-laal jaae to achchhaa

— Shah Naseer

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

— Shah Naseer

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

— Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

— Shah Naseer

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

aalam-e-hu mein kuchh aavaaz si aa jaati hai
chupke chupke koi kahtaa hai fasaana dil kaa

— Riyaz Khairabadi

ham banda-e-be-yaar-o-madadgaar the khaamosh
khaamosh rahaa kucha-e-qaatil mein khudaa tak

— Moid Rasheedi

ik na ik din to chukaanaa hai khamoshi kaa hisaab
jaante sab hain magar boltaa koi nahin hai

— Moid Rasheedi

bhige bhige sannaaTon mein khoyaa khoyaa saa ik khvaab
sahmi sahmi khaamoshi mein khauf-zada saa tanhaa thaa

— Moid Rasheedi