qarib o duur se aati hai aap ki aavaaz — Shahid Siddiqui

tamaam umr tiraa intizaar kar leinge
magar ye ranj rahegaa ki zindagi kam hai

— Shahid Siddiqui

ek pal ke rukne se duur ho gai manzil
sirf ham nahin chalte raaste bhi chalte hain

— Shahid Siddiqui

na saath deingi ye dam toDti hui shamein
nae charaag jalaao ki raushni kam hai

— Shahid Siddiqui

uruj-e-maah ko insaan samajh gayaa lekin
hanuz azmat-e-insaan se aagahi kam hai

— Shahid Siddiqui

ab hayaat-e-insaan kaa hashr dekhiye kyaa ho
mil gayaa hai qaatil ko mansab-e-masihaai

— Shahid Siddiqui

ye kaisi mauj-e-karam thi nigaah-e-saaqi mein
ki us ke baa'd se tufaan-e-tishnagi kam hai

— Shahid Siddiqui

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi