ek pal ke rukne se duur ho gai manzil — Shahid Siddiqui

tamaam umr tiraa intizaar kar leinge
magar ye ranj rahegaa ki zindagi kam hai

na saath deingi ye dam toDti hui shamein
nae charaag jalaao ki raushni kam hai

uruj-e-maah ko insaan samajh gayaa lekin
hanuz azmat-e-insaan se aagahi kam hai

qarib o duur se aati hai aap ki aavaaz
kabhi bahut hai gham-e-justuju kabhi kam hai

ab hayaat-e-insaan kaa hashr dekhiye kyaa ho
mil gayaa hai qaatil ko mansab-e-masihaai

ye kaisi mauj-e-karam thi nigaah-e-saaqi mein
ki us ke baa'd se tufaan-e-tishnagi kam hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

mire habib miri muskuraahaTon pe na jaa
khudaa-gavaah mujhe aaj bhi tiraa gham hai

jis ko chalnaa hai chale rakht-e-safar baandhe hue
ham jahaan-gasht hain uTThe hain kamar baandhe hue