dekh kar har uzv un kaa dil ho paani bah chalaa — Shaikh Zahuruddin Hatim

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

— Shaikh Zahuruddin Hatim

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

— Shaikh Zahuruddin Hatim

meraa maashuq hai mazon mein bharaa
kabhu miThaa kabhu salonaa hai

— Shaikh Zahuruddin Hatim

dekhun huun tujh ko duur se baiThaa hazaar kos
ainak na chaahiye na yahaan durbin mujhe

— Shaikh Zahuruddin Hatim

bul-havas go karein tere lab-e-shirin par hujum
talkh mat ho ki miThaai se magas aati hai

— Shaikh Zahuruddin Hatim

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli