meraa maashuq hai mazon mein bharaa — Shaikh Zahuruddin Hatim

TuuTe dil ko banaa dikhaave
aisaa koi kaari-gar na dekhaa

saaf dil hai to aa kudurat chhoD
mil har ik rang biich aab ki tarah

muddat se khvaab mein bhi nahin niind kaa khayaal
hairat mein huun ye kis kaa mujhe intizaar hai

kapDe safed dho ke jo pahne to kyaa huaa
dhonaa vahi jo dil ki siyaahi ko dhoiye

tere aane se yu khushi hai dil
juun ki bulbul bahaar ki khaatir

tabibon ki tavajjoh se maraz hone lagaa duunaa
davaa is dard ki batlaa dil-e-aagaah kyaa kiije

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa