phaDkun to sar phaTe hai na phaDkun to ji ghaTe — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

dekhun huun tujh ko duur se baiThaa hazaar kos
ainak na chaahiye na yahaan durbin mujhe

sau baar taar taar kiyaa to bhi ab talak
saabit vahi hai dast o garebaan ki dosti

mere khvaabon ke jharokon ko sajaate rahiye
na sahi vasl magar yaad to aate rahiye

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

koi viraani si viraani hai
dasht ko dekh ke ghar yaad aayaa

yaad aai hai to phir TuuT ke yaad aai hai
koi guzri hui manzil koi bhuli hui dost

dam liyaa thaa na qayaamat ne hanuz
phir tiraa vaqt-e-safar yaad aayaa

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye