ab to mai-khaanon se bhi kuchh baDh kar — Sharaf Mujaddidi

is parde mein ye husn kaa aalam hai ilaahi
be-parda vo ho jaaein to kyaa jaaniye kyaa ho

— Sharaf Mujaddidi

teri aankhein jise chaahein use apnaa kar lein
kaash aisaa hi sikhaa dein koi afsun mujh ko

— Sharaf Mujaddidi

dil mein mire jigar mein mire aankh mein miri
har jaa hai dost aur nahin milti hai jaa-e-dost

— Sharaf Mujaddidi

allaah allaah khususiyyat-e-zaat-e-hasnain
saari ummat ke hain poton se navaase baDh kar

— Sharaf Mujaddidi

tamaam chaaragaron se to mil chukaa hai javaab
tumhein bhi dard-e-mohabbat sunaae dete hain

— Sharaf Mujaddidi

ushshaaq ke aage na laDaa ghairon se aankhein
Dar hai ki na ho jaae laDaai tire dar par

— Sharaf Mujaddidi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

— Mirza Ghalib

zindagi zor hai ravaani kaa
kyaa thamegaa bahaav paani kaa

— Abdul Hamid Adam

ham pe guzraa hai vo bhi vaqt 'khumaar'
jab shanaasaa bhi ajnabi se mile

— Khumar Barabankavi