nigah-e-lutf mein hai uqda-kushaai muzmar — Sher Singh Naaz Dehlvi

bal paDe chitvan pe abru tan ke khanjar ho gae
zikr-e-vasl aate hi vo jaame se baahar ho gae

ro diye fariyaad par meri butaan-e-sang-dil
mere naalon se pighal kar mom patthar ho gae

chuum kar aayaa hai ye dast-e-hinaai aap kaa
kyuun na rakkhun main kaleje se lagaa kar tiir ko

baaton mein DhunDte hain vo pahlu malaal kaa
matlab ye hai ki zikr na aae visaal kaa

ik bahaana chaahiye un ko bigaDne ke liye
main ne zulfon ki balaaein liin mire sar ho gae

aabla-paai hamaari rang laai dasht mein
khaar-e-sahraa tishna-e-khun ho ke nashtar ho gae