nasha kar lein nashe kaaTein manaaein hijr yaadon kaa — Shubham Shab

ye aakhir hai ye aakhir hai ye aakhir hai ye aakhir
us ke har ik zulm ko main ne aakhir samjhaa bhuul hui

— Shubham Shab

mohabbat ye nahin kahti ki us ko baandh kar rakh lein
kisi panchhi ko uDtaa dekh kar jalte nahin hain ham

— Shubham Shab

mujhe nafrat thi jis kirdaar se ab tak kahaani mein
usi kirdaar ke marne pe ab rone lagaa huun main

— Shubham Shab

maan khush hai ki aakhir bachche siikh gae hain khush rahnaa
bachche khush hain siikh gae hain dard chhupaanaa achchhe se

— Shubham Shab

main vo to bhuul baiThaa huun jo mujh ko yaad rakhnaa thaa
magar jo bhuul jaanaa thaa mujhe vo yaad hai ab tak

— Shubham Shab

hamaari naav ki qismat mein shaayad
kisi buDhe shajar ki bad-du'aa hai

— Shubham Shab

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

tum se mile to khud se ziyaada
tum ko akelaa paayaa ham ne

— Irfan Siddiqi