shaam mimbar par fazilat ke bahut sanjida farhaan — Siraj Ajmali

yuun saraapaa iltijaa ban kar milaa thaa pahle roz
itni jaldi vo khudaa ho jaaegaa sochaa na thaa

— Siraj Ajmali

use jis shab madhur aavaaz mein gaanaa thaa laazim
rivaayat hai ki us shab bhi parinda chup rahaa thaa

— Siraj Ajmali

jo nahin hotaa bahut hoti hai shohrat us ki
jo guzarti hai vo ashaar mein aati hi nahin

— Siraj Ajmali

jis raat mein na hijr ho ne vasl 'ajmali'
us raat mein kahaan ki ghazal jaagte raho

— Siraj Ajmali

taa-subh meri laash rahi be-kafan to kyaa
baanu-e-shaam nauha-kunaan hi nahin hui

— Siraj Ajmali

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

kaash sotaa hi rahun main ki nahin chaahtaa dil
har sahar uTh ke rukh-e-gabr-o-musalmaan dekhun

— Mushafi Ghulam Hamdani