taa-subh meri laash rahi be-kafan to kyaa — Siraj Ajmali

yuun saraapaa iltijaa ban kar milaa thaa pahle roz
itni jaldi vo khudaa ho jaaegaa sochaa na thaa

use jis shab madhur aavaaz mein gaanaa thaa laazim
rivaayat hai ki us shab bhi parinda chup rahaa thaa

jo nahin hotaa bahut hoti hai shohrat us ki
jo guzarti hai vo ashaar mein aati hi nahin

shaam mimbar par fazilat ke bahut sanjida farhaan
subh-dam afsurdagi ke farsh par bikhraa huaa main

jis raat mein na hijr ho ne vasl 'ajmali'
us raat mein kahaan ki ghazal jaagte raho

aankhon mein meri subh-e-qayaamat gai jhamak
siine se us pari ke jo parda ulaT gayaa

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai

jo dekhiye to zamaana hai tez-rau kitnaa
tulu-e-subh abhi hai to vaqt-e-shaam abhi

jo hui subh to dekhe nae qadmon ke nishaan
aaj hi raat ko lauTe the safar se apne

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

subh tak thaa vahin ye mukhlis bhi
aap rakhte the shab jahaan tashrif