is soch mein baiThe hain jhukaae hue sar ham — Siraj Lakhnavi

sajda-e-ishq pe tanqid na kar ai vaaiz
dekh maathe pe abhi chaand numaayaan hogaa

— Siraj Lakhnavi

na mohtasib ki khushaamad na mai-kade kaa tavaaf
khudi mein mast huun apni bahaar mein gum huun

— Siraj Lakhnavi

qafas bhi bigDi hui shakl hai nasheman ki
ye ghar jo phir se sanvar jaae aashiyaan ho jaae

— Siraj Lakhnavi

har ashk-e-surkh hai daamaan-e-shab mein aag kaa phuul
baghair shama ke bhi jal rahe hain parvaane

— Siraj Lakhnavi

abhi rakkhaa rahne do taaq par yunhi aaftaab kaa aaina
ki abhi to meri nigaah mein vahi meraa maah-e-tamaam hai

— Siraj Lakhnavi

Takraaun kyuun zamaane se kyaa faaeda 'siraaj'
khud apne raaste se haTaa jaa rahaa huun main

— Siraj Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri