ai dost is zamaan-o-makaan ke azaab mein — Sirajuddin Zafar

vo tamaashaa huun hazaaron mire aaine hain
ek aaine se mushkil hai ayaan ho jaaun

— Sirajuddin Zafar

hujum-e-gul mein rahe ham hazaar dast daraaz
sabaa-nafas the kisi par giraan nahin guzre

— Sirajuddin Zafar

numud un ki bhi daur-e-subu mein thi kal raat
abhi jo daur-e-tah-e-aasmaan nahin guzre

— Sirajuddin Zafar

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal