har roz ik aavaaza anal-haq kaa lagaaein — Tabish Dehlvi

abhi hain qurb ke kuchh aur marhale baaqi
ki tujh ko paa ke hamein phir tiri tamannaa hai

— Tabish Dehlvi

shaahon ki bandagi mein sar bhi nahin jhukaayaa
tere liye saraapaa aadaab ho gae ham

— Tabish Dehlvi

har raaste se manzil-e-hasti hai bahut duur
jaaegaa mire saath gham-e-yaar kahaan tak

— Tabish Dehlvi

zarre mein gum hazaar sahraa
qatre mein muhit laakh qulzum

— Tabish Dehlvi

hoti hi nahin subh-e-qayaamat bhi numudaar
jaageinge shab-e-hijr ke bimaar kahaan tak

— Tabish Dehlvi

chhoTi paDti hai anaa ki chaadar
paanv Dhaktaa huun to sar khultaa hai

— Tabish Dehlvi

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi