haasil-e-zindagi hai vo lamha — Vibha Jain 'Khwaab'

makaan-e-dil se rukhsat ho gayaa 'ishq
udaasi lauT kar tu ghar chali aa

— Vibha Jain 'Khwaab'

yaa to khud ko sipurd-e-'ishq na kar
yaa jo hotaa hai phir malaal na puchh

— Vibha Jain 'Khwaab'

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

phir vahi raat vahi chaand vahi tum vahi main
kyaa kisi chhat ke muqaddar mein likhe jaaeinge

— Vibha Jain 'Khwaab'

zindagi yuun to nayaa lafz nahin hai lekin
vaqt ke saath nae is ke ma'aani nikle

— Vibha Jain 'Khwaab'

kyon koi kokh jo suuni ho vo sharminda ho
kyaa zaruri hai ki har siip se moti nikle

— Vibha Jain 'Khwaab'

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim