asir-e-zulf ko shaayad yahin rihaai hai — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

— Vishal Khullar

mere dukh ki davaa bhi rakhtaa hai
khud ko mujh se judaa bhi rakhtaa hai

— Vishal Khullar

dil jo ab shor kartaa rahtaa hai
kis qadar be-zabaan thaa pahle

— Vishal Khullar

main insaan thaa khudaa hone se pahle
anal-haq ki anaa hone se pahle

— Vishal Khullar

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

— Vishal Khullar

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

— Vishal Khullar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi