mere dukh ki davaa bhi rakhtaa hai — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

dil jo ab shor kartaa rahtaa hai
kis qadar be-zabaan thaa pahle

main insaan thaa khudaa hone se pahle
anal-haq ki anaa hone se pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

asir-e-zulf ko shaayad yahin rihaai hai
pukaartaa huun jise vo sadaa mein aayaa hai