gul hue gharq aab-e-shabnam mein — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

— Wali Dakni

raah-e-mazmun-e-taaza band nahin
taa qayaamat khulaa hai baab-e-sukhan

— Wali Dakni

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

— Wali Dakni

chaahtaa hai is jahaan mein gar bahisht
jaa tamaashaa dekh us rukhsaar kaa

— Wali Dakni

rashk suun tujh labaan ki surkhi par
jigar-e-laala daagh daagh huaa

— Wali Dakni

jise ishq kaa tiir kaari lage
use zindagi kyuun na bhaari lage

— Wali Dakni

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal