shaakh se kaT kar alag hone kaa ham ko gham nahin — Waseem Malik

koi dastak koi aahaT na sadaa hai koi
duur tak ruuh mein phailaa huaa sannaaTaa hai

— Waseem Malik

lutf ye hai ki usi shakhs ke mamnun hain ham
jis ki talvaar ne qiston mein hamein kaaTaa hai

— Waseem Malik

kal saath thaa koi to dar o baam the raushan
tanhaa huun 'vasim' aaj to ghar kaaT rahaa hai

— Waseem Malik

lagtaa hai judaa sab se kirdaar 'vasim' us kaa
vo shahr-e-mohabbat kaa baashinda nazar aae

— Waseem Malik

jo shakhs miraa dast-e-hunar kaaT rahaa hai
naadaan hai shaadaab shajar kaaT rahaa hai

— Waseem Malik

main is liye zinda huun ki main bol rahaa huun
duniyaa kisi gunge ki kahaani nahin likhti

— Waseem Malik

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif