zindagi ab ke miraa naam na shaamil karnaa — Wasi Shah

is judaai mein tum andar se bikhar jaaoge
kisi maazur ko dekhoge to yaad aaungaa

— Wasi Shah

jo tu nahin hai to ye mukammal na ho sakeingi
tiri yahi ahmiyat hai meri kahaaniyon mein

— Wasi Shah

tumhaaraa naam likhne ki ijaazat chhin gai jab se
koi bhi lafz likhtaa huun to aankhein bhiig jaati hain

— Wasi Shah

kaun kahtaa hai mulaaqaat miri aaj ki hai
tu miri ruuh ke andar hai kai sadiyon se

— Wasi Shah

jaise ho umr bhar kaa asaasa gharib kaa
kuchh is tarah se main ne sambhaale tumhaare khat

— Wasi Shah

na tumhein hosh rahe aur na mujhe hosh rahe
is qadar TuuT ke chaaho mujhe paagal kar do

— Wasi Shah

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz