mire sapne miri palkon ki had mein rah gae dekho — Yasir Malik

chhoTe se ik aaine mein chehra qaid hai vaise hi
jaise ik kirdaar ke andar ek kahaani hoti hai

— Yasir Malik

maut ne aa kar bachaayaa phir mujhe
dard ne jab zindagi se baat ki

— Yasir Malik

vahm hotaa hai mar gayaa huun main
aise khadshaat se laDaai hai

— Yasir Malik

tum ne chhuaa to dil ye dhaDkaa miraa vagarna
patthar kaa ho gayaa thaa khaamosh baiThe baiThe

— Yasir Malik

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

— Sandeep Gupte