maut ne aa kar bachaayaa phir mujhe — Yasir Malik

chhoTe se ik aaine mein chehra qaid hai vaise hi
jaise ik kirdaar ke andar ek kahaani hoti hai

vahm hotaa hai mar gayaa huun main
aise khadshaat se laDaai hai

mire sapne miri palkon ki had mein rah gae dekho
nikal paayaa nahin main in darichon se kabhi aage

tum ne chhuaa to dil ye dhaDkaa miraa vagarna
patthar kaa ho gayaa thaa khaamosh baiThe baiThe

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

main tanhaa thaa main tanhaa huun
tum aao to kyaa na aao to kyaa

vo uTThe dard uTThaa hashr uTThaa
magar dil hai ki baiThaa jaa rahaa hai