kisi ke narm lahje kaa qarina — Yasmeen Hameed

musalsal ek hi tasvir chashm-e-tar mein rahi
charaagh bujh bhi gayaa raushni safar mein rahi

— Yasmeen Hameed

ek divaar uThaai thi baDi ujlat mein
vahi divaar giraane mein bahut der lagi

— Yasmeen Hameed

parda aankhon se haTaane mein bahut der lagi
hamein duniyaa nazar aane mein bahut der lagi

— Yasmeen Hameed

jis samt ki havaa hai usi samt chal paDein
jab kuchh na ho sakaa to yahi faisla kiyaa

— Yasmeen Hameed

apni nigaah par bhi karun e'tibaar kyaa
kis maan par kahun vo miraa intikhaab thaa

— Yasmeen Hameed

raste se miri jang bhi jaari hai abhi tak
aur paanv tale zakhm ki vahshat bhi vahi hai

— Yasmeen Hameed

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

— Sandeep Gupte