saaf jazbon ke havaale se to gham hain lekin — Zafar Imam

jivan kaa sangit achaanak antim sur ko chhu letaa hai
hanstaa hi rahtaa hai phir bhi mere andar marne vaalaa

— Zafar Imam

ik nadi mein saikDon dariyaa ki tughyaani mili
Dubne vaale ko mar jaane ki aasaani mili

— Zafar Imam

baat pahunche samaaat ko taasir de kis tarah
lafz hain aur lafzon mein zor-e-bayaani nahin

— Zafar Imam

jald manzil tak pahunchne kaa junun us ko rahaa
zindagi bhar is liye rasta badaltaa rah gayaa

— Zafar Imam

dekh lete hain andhere mein bhi rasta apnaa
shama ehsaas ke maanind jali rahti hai

— Zafar Imam

kyaa jaane kab dharti par sailaab kaa manzar ho jaae
har-dam ye majbur nigaahein varshaa karti rahti hain

— Zafar Imam

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif