na aae saamne mere agar nahin aataa — Zain

vo parda-nashini ki riaayat hai tumhaari
ham baat bhi khalvat se nikalne nahin dete

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

tere kahne se main ab laaun kahaan se naaseh
sabr jab is dil-e-muztar ko khudaa ne na diyaa

kar diyaa tiron se chhalni mujhe saaraa lekin
khuun hone ke liye us ne jigar chhoD diyaa

khoyaa gham-e-rifaaqat dekho kamaal apnaa
bahkaa diyaa hai sab ko dikhlaa ke haal apnaa

tum apni zulf se puchho miri pareshaani
ki haal us ko hai maalum hu-ba-hu meraa