ham bhi kahne lage hain raat ko raat — Zaki Tariq

'zaki' hamaaraa muqaddar hain dhuup ke kheme
hamein na raas kabhi aayaa saaebaan koi

— Zaki Tariq

gumaan hotaa hai mujh ko tumhaare aane kaa
havaa idhar se dabe paanv jab guzarti hai

— Zaki Tariq

itaab-o-qahr kaa har ik nishaan bolegaa
main chup rahaa to shikasta makaan bolegaa

— Zaki Tariq

roz suntaa huun main hansne ki sadaa
kaun ye mere sivaa hai mujh mein

— Zaki Tariq

simTe hue jazbon ko bikharne nahin detaa
ye aas kaa lamha hamein marne nahin detaa

— Zaki Tariq

ajnabi khushbu ki aahaT se mahak uTThaa badan
qahqahon ke lams se khauf-e-khizaan raushan huaa

— Zaki Tariq

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

rok do ye raushni ki tez dhaar
meri miTTi mein gundhi hai raat bhi

— Nomaan Shauque

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

— Adil Mansuri

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal