shaayad ab bhi koi sharar baaqi ho 'zeb' — Zeb Ghauri

main payambar tiraa nahin lekin
mujh se bhi baat kar khudaa mere

jaag ke mere saath samundar raatein kartaa hai
jab sab log chale jaaein to baatein kartaa hai

talaash ek bahaana thaa khaak uDaane kaa
pata chalaa ki hamein justuju-e-yaar na thi

dil ko sambhaale hanstaa boltaa rahtaa huun lekin
sach puchho to 'zeb' tabiat Thiik nahin hoti

jagmagaataa huaa khanjar mire siine mein utaar
raushni le ke kabhi khaana-e-viraan mein aa

uDaa ke khaak bahut main ne dekh li ai 'zeb'
vahaan talak to koi raasta nahin jaataa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ghuTan to dil ki rahi qasr-e-marmarin mein bhi
na raushni se huaa kuchh na kuchh havaa se huaa

tumhaare naam pe dil ab bhi ruk saa jaataa hai
ye baat vo hai ki is se mafar nahin hotaa

hijr ki baat yaa visaal ki baat
dil ne phir ki tire malaal ki

dil toDne vaale ko khabar ho ki abhi main
sar-taa-ba-qadam ik dil-e-bimaar nahin huun