divaana-e-justuju ho gayaa chaand — Ziauddin Ahmad Shakeb

isi tarah baatein kiye jaaiye
ye tarz-e-takallum bahut khuub hai

— Ziauddin Ahmad Shakeb

meri tajviz par khafaa kyuun ho
baat kuchh aql ke khilaaf nahin

— Ziauddin Ahmad Shakeb

hamein bhi zarurat thi ik shakhs ki
ye husn-e-tasaadum bahut khuub hai

— Ziauddin Ahmad Shakeb

paDti nahin hai dil pe tire husn ki kiran
kis samt mere chaand darakhshaan hai aaj-kal

— Ziauddin Ahmad Shakeb

aariz se tire subh ki tohmat na uThegi
zulfon pe tiri shaam kaa ilzaam rahegaa

— Ziauddin Ahmad Shakeb

mukhtasar baat-chit achchhi hai
lekin itnaa bhi ikhtisaar na kar

— Ziauddin Ahmad Shakeb

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

chaand ne taan li hai chaadar-e-abr
ab vo kapDe badal rahi hogi

— Jaun Elia