Ziauddin Ahmad Shakeb

fikr-mandi fuzul hoti hai
koshish-e-dil qubul hoti hai

hamein bhi zarurat thi ik shakhs ki
ye husn-e-tasaadum bahut khuub hai

mukhtasar baat-chit achchhi hai
lekin itnaa bhi ikhtisaar na kar

aql kuchh ziist ki kafil nahin
zindagi itni be-sabil nahin

yaqin gar karo tum bahut khuub hai
ye be-jaa tabassum bahut khuub hai

aap ke saath muskuraane mein
zindagi ek phuul hoti hai

meri tajviz par khafaa kyuun ho
baat kuchh aql ke khilaaf nahin

divaana-e-justuju ho gayaa chaand
baadal se gir ke kho gayaa chaand

itne naadim na hoiye aakhir
achchhe-achchhon se bhuul hoti hai

gosh-e-mushtaaq-e-sadaa-e-naala-e-dil ab kahaan
sher agar dil ke lahu mein Duub kar nikle to kyaa

ham se vaaiz ne baat ki hoti
gumrahi apni be-dalil nahin

jab tak ki mohabbat kaa chalan aam rahegaa
har lab pe miraa zikr miraa naam rahegaa