phir yuun huaa ki zindagi ik bojh ban gai — Zoya Shaikh

hamein us se judaa honaa paDaa thaa
hamaare beach duniyaa aa gai thi

— Zoya Shaikh

khaamushi kaa sabab nahin kuchh bhi
mujh ko bas guftugu se nafrat hai

— Zoya Shaikh

vo miri saadgi pe martaa hai
mujh ko gahnon ki kyaa zarurat hai

— Zoya Shaikh

khuddaar khud-parast hain ziddi balaa ke hain
ham jo gae to lauT ke vaapas na aaeinge

— Zoya Shaikh

suno aao nayaa ik zakhm bakhsho
tumhaaraa hijr buDhaa ho gayaa hai

— Zoya Shaikh

ishq hai mujh se use yaa ki faqat hamdardi
jab bhi vo chhoD ke jaataa hai palaT aataa hai

— Zoya Shaikh

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar