koi column nahin hai hadson par — Abdussamad ’Tapish’

"na jaane kaun fazaon men zahr ghol gaya hara-bhara sa shajar be-libas kaisa hai"

"sab ko dikhlata hai vo chhoTa bana kar mujh ko mujh ko vo mere barabar nahin hone deta"

"ab nishana us ki apni zaat hai laD raha hai ik anokhi jang vo"

"kyuun vo milne se gurezan is qadar hone lage mere un ke darmiyan divar rakh jaata hai kaun"

"patte patte se naghma-sara kaun hai ai hava tere andar chhupa kaun hai"

"main bhi tanha is taraf huun vo bhi tanha us taraf main pareshan huun to huun vo bhi pareshani men hai"