hasr ka.aba pe kya hai der sahi — Bekhud Mohani

umiid ka ye rang hai hujum-e-ranj-o-yas men
ki jis tarah koi hasin ho matami libas men

— Bekhud Mohani

kyuun ulajhte ho har ik baat pe 'bekhud' un se
tum bhi nadan bane jaate ho nadan ke saath

— Bekhud Mohani

nasheman phunkne vaale hamari zindagi ye hai
kabhi ro.e kabhi sajde kiye khak-e-nasheman par

— Bekhud Mohani

lazzat kabhi thi ab to musibat si ho ga.i
mujh ko gunah karne ki aadat si ho ga.i

— Bekhud Mohani

us ke hathon na mila chain mujhi ko dam bhar
mujh se le kar dil-e-betab karoge kya tum

— Bekhud Mohani

vahan ab saans lene ki sada aati hai mushkil se
jo zindan gunjta rahta tha avaz-e-salasil se

— Bekhud Mohani