kare dariya na pul mismar mere — Mahshar Badayuni

"main itni raushni phaila chuka huun ki bujh bhi ja.un to ab gham nahin hai"

"ab hava.en hi karengi raushni ka faisla jis diye men jaan hogi vo diya rah ja.ega"

"ham ko bhi khush-numa nazar aa.i hai zindagi jaise sarab duur se dariya dikha.i de"

"jis ke liye bachcha roya tha aur ponchhe the aansu baaba ne vo bachcha ab bhi zinda hai vo mahnga khilauna TuuT gaya"

"har patti bojhal ho ke giri sab shakhen jhuk kar TuuT ga.iin us barish hi se fasl ujDi jis barish se tayyar hui"

"abhi sar ka lahu thamne na paaya udhar se ek patthar aur aaya"