All Writings Of Aabid Jafri

"gul sadāqat se mahakte hue tāsīr meñ rakh sāneha dil pe jo guzre vahī tahrīr meñ rakh tāq-e-zindāñ meñ charāġh-e-ġham-e-hastī na jalā ātish-e-ishq-e-darūñ halqa-e-zanjīr meñ rakh ḳhisht-e-be-faiz jo ārāsta guftār meñ hai us ko buniyād banā kar kisī ta.amīr meñ rakh zulmatoñ se kisī ghar kī nahīñ hotī pahchān sang-o-gul hī nahīñ kuchh nuur bhī jāgīr meñ rakh kab talak dosh pe ḳhvāboñ ke karegā parvāz ham-nashīñ azm-e-safar vādī-e-tā'bīr meñ rakh diid kī ziist se tā-marg talab aa pahuñchī hīla-jū aur bahāne tū na tāḳhīr meñ rakh sarvarī zor-e-takallum se na mil pā.egī ham-nashīñ ijz-e-bayāñ ḳhūbī-e-taqrīr meñ rakh"

"dard kī aañch meñ jaltā hai ye ghar kyā kiije ḳhvāb hotī hai tamanna kī sahar kyā kiije ham bhī mānūs nahīñ dil ke añdheroñ se abhī tā.er-e-shab bhī hai khole hue par kyā kiije duur manzil hai kaḌī dhuup meñ karnā hai safar kaT ga.e raah meñ jitne the shajar kyā kiije vo ga.e vaqt kī mānind na lauTegā kabhī ab luTā kar ye vafāoñ ke guhar kyā kiije be-gavāhī ke bhañvar meñ hai mirī zaat ki ab aañkh kī jhiil bhī hotī nahīñ tar kyā kiije bārish-e-sang to be-vaj.h nahīñ hai 'ābid' aa gayā mujh ko vafāoñ kā hunar kyā kiije"

"chāroñ taraf kuchh dīvāreñ sī rahtī haiñ aahoñ meñ lagī merī miTTī tere ghar kī gahrī buniyādoñ meñ lagī chup kī chādar oḌh to lī hai paañv chhupeñ sar khul chaa.e mahrūmī kī dhuup na jaane kab se āvāzoñ meñ lagī un se zulmat-e-dasht muqaddar aur siyāh na ho jaa.e chhoḌ na detā chāñd kirneñ tum apne ḳhvāboñ meñ lagī mujh se mere apne log bhī rahte haiñ begāne se mere naam kī kaun sī tohmat un ke andāzoñ meñ lagī is mausam meñ Daalī Daalī barf ke itne phuul khile rañg-o-tapish se mahrūmī kī shāḳh mire jazboñ meñ lagī"

"abas hai shāḳh-e-qad-āvar pe āshiyāñ rakhnā zamīñ ko raas kab aaya hai āsmāñ rakhnā safar karo ki Thahar jaao ik azaab hai ye qadam ko hijrat-o-manzil ke darmiyāñ rakhnā kisī kā shor-e-fuġhāñ sun ke yaad aaya bahut fasīl-e-ġham meñ mirā dard-e-be-zabāñ rakhnā khulī fazā meñ to shabnam bhī baar lagtī hai agar hai tarz-e-kuhan sar pe sā.ebāñ rakhnā ye log apnī hī dīvār ke naqab-zan haiñ kabhī na bhuul ke tum ghar kā pāsbāñ rakhnā hai naav maujoñ kī zad meñ magar hameñ 'ābid' na aaya bād-e-muḳhālif pe bādbāñ rakhnā"

"shikve hameñ to jehd-e-mukarrar ke nahīñ haiñ hijrat huī hai yuuñ ki kisī ghar ke nahīñ haiñ kis jurm meñ ye pahlū-tahī ham se ravā hai ai shīsha-garo ham koī patthar ke nahīñ haiñ sar-basta-e-zanjīr kiyā ham ko jinhoñ ne vo log usī ghar ke haiñ bāhar ke nahīñ haiñ kis darja mukarram haiñ mire ashk na pūchho vo daam mile haiñ ki jo gauhar ke nahīñ haiñ vo dard sahā hai ki jo ġhairoñ kā nahīñ thā vo zaḳhm lage haiñ ki jo ḳhanjar ke nahīñ haiñ"

"ye dāġh-e-hijr nahīñ miT sakā jabīñ kā lagā zamīñ kahīñ kī hai paivand hai kahīñ kā lagā milā hai dasht hameñ justujū meñ manzil kī gumāñ thā paañv meñ aur aabla yaqīñ kā lagā hamārā nām-o-nasab ham se pūchhne vaale lahū na is tarah dāman pe āstīñ kā lagā uThā ke dosh pe ḳheme nikal paḌe ham log zarā na ḳhauf hameñ ajnabī zamīñ kā lagā"

"pahlī sī dil ko ḳhvāhish-e-hijrat nahīñ rahī kyā ai zamīñ hamārī zarūrat nahīñ rahī āñgan meñ saarī raat barastī rahī ghaTā dīvār ghar kī koī salāmat nahīñ rahī yuñhī nahīñ irāda-e-pahlū-tahī ki ab un se nibāh karne kī sūrat nahīñ rahī patte haiñ ḳhushk phir bhī shajar se haiñ munsalik kyā kījiye havā kī ināyat nahīñ rahī dariyā meñ laakh maujeñ rahīñ sar-ba-kaf magar kachche gharoñ ko ab koī vahshat nahīñ rahī galiyoñ meñ phir se farsh-e-lahū bichh gayā tamām insāñ meñ āj-kal ke sharāfat nahīñ rahī"

"fikr rakhte haiñ kahāñ zehn agar rakhte haiñ dasht-e-be-āb meñ jo tuḳhm-e-hunar rakhte haiñ har na.ī baat bhulā detī hai pahle kā ḳhayāl vo to aḳhbār haiñ bas taaza ḳhabar rakhte haiñ miT gayā rang-e-ta.alluq to ye chehre ke nuqūsh ek ik ḳhatt-e-ta.assur meñ ḳhabar rakhte haiñ aise logoñ kā milā ham ko zamāna jo log kor-bīnā haiñ magar ham pe nazar rakhte haiñ koī aahaT hai na dastak ki bichhaḌ jaa.e sukūt jin ko dīvār mayassar ho vo dar rakhte haiñ jab bhī aatī hai kisī samt se maqtal kī havā dhyān aatā hai abhī dosh pe sar rakhte haiñ"

"ham ko jānāñ is nagrī meñ chalnā bhī dushvār huā logoñ kā har sang-e-malāmat apne liye dīvār huā dil ke sab dukhḌe dil meñ haiñ phir bhī unheñ ye shikva hai chāk-garebāñ kyoñ phirte ho dāman kyoñ hai taar huā sub.h se halkī halkī kasak thī mīThā mīThā dard sā thā shaam kā pahlā taarā ubhrā zaḳhm-e-jigar bedār huā ḳhud ko malāmat kyoñ karte ho apne aap se shikva kyā jaan ke kab dhokā khāyā hai anjāne meñ pyaar huā ham ko ḳhirad kī raah dikhāne vaale ye kyoñ bhuul ga.e apne liye is rāh-e-junūñ meñ sahrā bhī gulzār huā"

"dil se mahrūmī-e-ehsās miTāne ke liye gul khile haiñ mire zaḳhmoñ ko dukhāne ke liye phir se āvāz ke dariyā meñ mire naam kī naav bādbānoñ ko uThātī hai girāne ke liye raat Dhaltī hai chalo DhūñD ke jugnū laa.eñ vāda-e-anjum-o-mahtāb nibhāne ke liye kuchh parinde mire āñgan meñ utar aa.e haiñ bāl-o-par tez havāoñ se bachāne ke liye sar se sūraj tirī chāhat kā Dhalā hai shāyad mujh pe har sāya-e-dīvār girāne ke liye apne jazboñ ko koī shakl na denā 'ābid' varna sūrat ko bhī tarsoge dikhāne ke liye"

"vo dil kī jhiil meñ utrā thā ek saa.at ko ye umr ho ga.ī hai sahte is malāmat ko kahīñ to sāya-e-dīvār-e-āgahī mil jaa.e koī to aa.e kare ḳhatm is masāfat ko tumhīñ se mil ke mirī dil se āshnā.ī ho tumhāre baad hī jaanā hai is qayāmat ko vo ek shaḳhs mujhe kar gayā sabhī se judā taras rahā huuñ maiñ jis shaḳhs kī rifāqat ko ajiib log haiñ is shahr ke ba-nām-e-vafā havā.eñ dete haiñ har sho.ala-e-adāvat ko javāz bhī to koī ho mirī tabāhī kā chhupā rahe ho tabassum meñ kyoñ nadāmat ko ga.e dinoñ kā manāte ho sog phir 'ābid' hameñ yaqīñ hai na badloge apnī aadat ko"

"mohabbatoñ par dil-e-hazīñ ko nisār karnā hai yuuñ ki jaise junūñ meñ ḳhud hī pe vaar karnā ajab nahīñ vo bhī mere raste pe ḳhud ko Daale vo jis ne sīkhā hai qāfiloñ ko ġhubār karnā vo ek bārish kī muntazir be-shumār āñkheñ vo ek tūfāñ kā bastiyoñ ko shumār karnā mujhe to us ne tamām lamhe vahī diye haiñ vahī jo ahl-e-junūñ ko hoñ iḳhtiyār karnā shafaq utar kar tumhāre pallū se bañdh ga.ī hai jo ho sake to sahar talak ye hisār karnā aziyyatoñ kā ḳhamīr zaḳhm-e-nihāñ se uTThā kabhī jo chāhā hai dil kā sahrā bahār karnā"