Asim Nadeem Asi

"main ne us had se guzarne ki bahut koshish ki jis jagah rang se tasvir alag hoti hai"

"tum un ke haat pe sikke nahin diye rakkho ye andhe log hain aur raushni ke bhuke hain"

"aag paani bhi kabhi ek hue dekhe hain atish-e-zabt lahu men bhi nahin hal hogi"

"vo kya ki jis ko mayassar hai mustaqil hona sarisht-e-zakhm men shamil hai mundamil hona"

"husain aaj bhi qaa.em hai apni surat par yazid chehre badalta hai har zamane men"

"hamari karobari zindagi ka kul asasa ye kuchh sikke hain aur kuchh parchiyan rakkhi hui hain"

dost-daari ke saliqe se bahut vaaqif huun
ab mujhe haath milaane kaa hunar aataa hai

hamaaraa jism to phir jism Thahraa
daraaDein aib hain divaar mein bhi

jal rahaa hai jo lab-e-baam abhi ek charaagh
bujh gayaa ye bhi to phir raat mukammal hogi

tapte sahraa khuun piyeinge chaDhtaa suraj Dhal jaaegaa
baiThi hui hai jis mein sakina aaj vo khema jal jaaegaa

zamin ke maalik-o-mukhtaar ki sunnat samajh kar
khaDaavein pahn liin aur bakriyaan rakkhi hui hain

husain aaj bhi qaaem hai apni surat par
yazid chehre badaltaa hai har zamaane mein