کتنے دریا اس نگر سے بہہ گئے دل کے صحرا خشک پھر بھی رہ گئے آج تک گم سم کھڑی ہیں شہر میں جانے دیواروں سے تم کیا کہہ گئے ایک تو ہے بات بھی سنتا نہیں ایک ہم ہیں تیرا غم بھی سہہ گئے تجھ سے جگ بیتی کی سب باتیں کہیں کچھ سخن نا گفتنی بھی رہ گئے تیری میری چاہتوں کے نام پر لوگ کہنے کو بہت کچھ کہہ گئے

غزل · Ghazal

vo meraa un kaa ta'alluq jo rasm-o-raah kaa thaa

وہ میرا ان کا تعلق جو رسم و راہ کا تھا بس اس میں سارا سلیقہ مرے نباہ کا تھا تجھے قریب سے دیکھا تو دل نے سوچا ہے کہ تیرا حسن بھی اک زاویہ نگاہ کا تھا تجھے تراش کے دل میں سجا لیا میں نے قصور اس میں مری رفعت نگاہ کا تھا ملے تھے حضرت واعظ بھی تیرے کوچے میں ذرا سا ان سے مرا اختلاف راہ کا تھا تری جفا کا خدا سلسلہ دراز کرے کہ اس سے اپنا تعلق بھی گاہ گاہ کا تھا

غزل · Ghazal

mausam-e-gul mein agar shaakh se TuuTe hote

موسم گل میں اگر شاخ سے ٹوٹے ہوتے کچھ شگوفے بھی اسی شاخ سے پھوٹے ہوتے دل بڑا سخت تھا ہر سنگ بلا جھیل گیا ورنہ ہم شدت احساس سے ٹوٹے ہوتے تم نے جانا تھا تو پہلے ہی جدا ہو جاتے اس طرح روز کے مرنے سے تو چھوٹے ہوتے ہونٹ چپ چاپ سہی آنکھ ہی کچھ کہہ جاتی روٹھنے والے سلیقے سے تو روٹھے ہوتے میں ترے کانوں کے آویزوں میں جدت بھرتا کچھ ستارے جو سر عرش سے ٹوٹے ہوتے ہم نے ہنس ہنس کے بھرم اہل وفا کا رکھا ہم بھی رو دیتے اگر عشق میں جھوٹے ہوتے

غزل · Ghazal

kuchh tumhaari anjuman mein aise divaane bhi the

کچھ تمہاری انجمن میں ایسے دیوانے بھی تھے جو بکار خویش دیوانے بھی فرزانے بھی تھے یوں تو ہر صورت پہ تھا بیگانگی کا شائبہ ان میں کچھ ایسے بھی تھے جو جانے پہچانے بھی تھے سب بہ توفیق مروت دوستی کرتے رہے لوگ کیا کرتے کہ خود ان کے صنم خانے بھی تھے تو نے اپنی آگہی کے ظرف سے جانچا مجھے آگہی نا آگہی کے اور پیمانے بھی تھے دل کے جانے کا بہ ہر صورت بہت صدمہ ہوا اس سے وابستہ کئی لوگوں کے افسانے بھی تھے

غزل · Ghazal

tu ang ang mein khushbu si ban gayaa hogaa

تو انگ انگ میں خوشبو سی بن گیا ہوگا میں سوچتا ہوں کہ تجھ سے گریز کیا ہوگا تمام رات مرے دل سے آنچ آتی رہی کہیں قریب کوئی شہر جل رہا ہوگا تو میرے ساتھ بھی رہ کر مرے قریب نہ تھا اب اس سے اور فزوں فاصلہ بھی کیا ہوگا مجھے خود اپنی وفا پر بھی اعتماد نہیں کبھی تو تو بھی مری طرح سوچتا ہوگا کبھی تو سنگ ملامت کہیں سے آئے گا کوئی تو شہر میں اپنا بھی آشنا ہوگا ذرا سی بات پہ کیا دوستوں کے منہ آئیں غریب دل تھا مروت میں جل بجھا ہوگا

غزل · Ghazal

tu sarhad-e-khayaal se aage guzar gayaa

تو سرحد خیال سے آگے گزر گیا میں تیری جستجو میں بحد نظر گیا دل کو کریدنے سے مری جان فائدہ اک زخم تھا کہ وقت کی آندھی سے بھر گیا ساحل تمام عمر یوں ہی تشنہ لب رہا سیلاب کتنی بار یہاں سے گزر گیا عمر گریز پا کو کہاں ڈھونڈنے چلیں وہ نقش لوح وقت سے کب کا اتر گیا

See all 10 Ghazals →

Similar Poets