Ghazal

kitne dariyaa is nagar se bah gae

dil ke sahraa khushk phir bhi rah gae

aaj tak gum-sum khaDi hain shahr mein

jaane divaaron se tum kyaa kah gae

· · ·

vo meraa un kaa ta'alluq jo rasm-o-raah kaa thaa

bas us mein saaraa saliqa mire nibaah kaa thaa

tujhe qarib se dekhaa to dil ne sochaa hai

ki teraa husn bhi ik zaaviya nigaah kaa thaa

· · ·

mausam-e-gul mein agar shaakh se TuuTe hote

kuchh shagufe bhi usi shaakh se phuTe hote

dil baDaa sakht thaa har sang-e-balaa jhel gayaa

varna ham shiddat-e-ehsaas se TuuTe hote

· · ·

kuchh tumhaari anjuman mein aise divaane bhi the

jo ba-kaar-e-khvesh divaane bhi farzaane bhi the

yuun to har surat pe thaa begaanagi kaa shaaiba

un mein kuchh aise bhi the jo jaane-pahchaane bhi the

· · ·

tu ang ang mein khushbu si ban gayaa hogaa

main sochtaa huun ki tujh se gurez kyaa hogaa

tamaam raat mire dil se aanch aati rahi

kahin qarib koi shahr jal rahaa hogaa

· · ·

tu sarhad-e-khayaal se aage guzar gayaa

main teri justuju mein ba-hadd-e-nazar gayaa

dil ko kuredne se miri jaan faaeda

ik zakhm thaa ki vaqt ki aandhi se bhar gayaa

· · ·

hamaaraa un kaa taalluq jo rasm-o-raah kaa thaa

bas us mein saaraa saliqa mire nibaah kaa thaa

tujhe qarib se dekhaa to dil ne sochaa hai

ki teraa husn bhi ik zaaviya nigaah kaa thaa

· · ·

mile bhi dost to is tarz-e-be-dili se mile

ki jaise ajnabi koi ik ajnabi se mile

qadam qadam pe khulus-e-vafaa kaa zikr kiyaa

adu mile bhi to kis husn-e-saadgi se mile

· · ·

mauj-e-sarsar ki tarah dil se guzar jaaoge

kis ko maa'lum thaa tum dil mein utar jaaoge

chaar-su vaqt ki gardish ki fasil-e-shab hai

bach ke is gardish-e-dauraan se kidhar jaaoge

· · ·

ab ke baazaar mein ye turfa tamaashaa dekhaa

bechne nikle to yusuf kaa kharidaar na thaa

dosto rasm-e-mohabbat pe ye kyaa bait gai

shahr-e-yaaraan mein koi shakhs sar-e-daar na thaa

· · ·